التحنيط 

بقلم / خضره بكر 

اسرار والغاز الحضاره دي كثره جدا علي الرغم من مرور آلاف السنين عليها ومن اهم وأعظم اسرارها التحنيط ،

التحنيط دا عمليه طبيه معقده اشتهر بها المصريين القدماء واستطاعوا من خلالها أنهم يحافظوا علي الجثث المحنطه لآلف السنين. 

وفي الحقيقه عمليه التحنيط لحد النهارده محاطه بهاله من الاسئله والغموض. 

-هل عمليه التحنيط تعتبر سر محدش يعرفه اطلاقا؟! 

-ولا تفاصيل العمليه معروفه بالنسبه للعلماء والباحثين؟!

-والأكثر أهميةمن ذلك لي الفراعنه كانوا بيحنطوا جثث الملوك والملكات؟! 

-وهل ف عصرنا الحالي نقدر نقوم بعمليه التحنيط زي ما كانوا بيعملوا ولا لأ؟! 

كل دي تساؤلات عن سر عظيم من اسرار الفراعنه 

ومن هنا نبدأ بسؤال غريب شويه!

-وهو ازي الفراعنه كانوا بيحنطوا الجثث؟! 

ومن هنا نقول إن المصريين القدماء كانوا بيأمنوا بوجود حياه في العالم الآخر ، 

وإن الموت مش نهايه حياه الإنسان لكنه بدايه لمرحله جديده من الحياه، 

وفي اعتقاد المصريين القدماء إن الانسان علشان يقدر يعيش في الحياه الآخره كان لازم جسده يفضل محفوظ بعد الموت بشكل سليم ومحافظ علي هيئته زي ما هي علشان يبقي من السهل التعرف علي ملامح جثته،

وكمان القبر بتاعه يكون مفروش ومجهز بكل الأشياء اللي بيحتاجها في العالم الآخر. 

ومن المعتقد ده كان بيقوم الكهنه وبعض المختصين بعمليه التحنيط بغرض الحفاظ علي جثث بعض الملوك والاثرياء .

والمدهش في الموضوع إنهم نجحوا في كده بالفعل وقدروا يحنطوا جثث وموميات دامت لآلف السنين.

والمنتشر بين الناس إن عمليه التحنيط دي عمليه غامضه وشئ سري للغايه ، ولكن في الواقع عكس كده. 

فكل الخطوات الخاصه بعمليه التحنيط معروفه الآن بين العلماء والمختصين ولديهم القدره علي محكاه نفس اللي كان الفراعنه بيعملوه بالصبط. 

ولو عايز تعرف عمليه التحنيط دي بتحصل ازي فكل اللي عليك إنك تحضر الأدوات الخاصه بالتحنيط .

بنحتاج خطاطيف وسكينه حاده ،ووعاء فيه زيت ،وشويه شمع عسل، وصمغ نباتي وكتان ونشاره خشب وبخور وعدد من العطور الطبيعيه بالاضافه لنبيذ النخيل ومجموعه من الاعشاب والمواد الطبيعيه الاشبه بالتوابل، 

وهنحتاج مع كل ده شويه اوعيه مصنوعه من الحجر الجيري أو معدن الكالسيت، 

واخير بقا كميه كبيره جدا جدا من ملح النطرون.

 وبكده تكون جاهز لعمليه التحنيط .

ونجي بقا لأولي الخطوات اللي كان بيقوم بيها الكهنه !

_في البدايه بنجب الجثه ونفردها علي منضدة طويله ونقوم باولي الخطوات وهي استخراج المخ. 

وطبعا الفكره الاساسيه من عمليه التحنيط هي منع الجثه من التحليل والتعفن ولو جينا نبص للمخ البشري هنلاقي أنه مكون من عدد مهول من الخلايا العصبيه ودي للأسف بتموت وبتتحلل بسرعه .

_والحقيقة طريقه استخراج المخ من الدماغ بيكون شئ قاسي جدا ،

في البدايه بنقوم بدق مسمار طويل في الجمجمه ونبدأ نعمل هرس للمخ من خلال الثقب اللي اتعمل في الدماغ وبعد كده بنقلب الجثه علي وشها ونستخرج بقايا المخ عن طريق الثقب اللي اتعمل في الدماغ ومن خلال الفتحتين الموجودين في الانف ،

_وبعدها يبدأوا يضخوا كميه من الصمغ النباتي داخل الجمجمه من نفس الفتحات علشان نمنع تحلل الدماغ من الداخل وبكده يبقي الدماغ مفهاش اي خلايا عصبيه قابله لتحلل.

_لكن ياتري هل الموضوع خلص لحد كده في الوقع لأ. 

المخ البشري ليس هو العضو الوحيد اللي بيتحلل بسرعه ما زال موجود عدد من الخلايا اللي بتتحلل بسرعه الكبد والامعاء وغيرهم اللي بيحتوا بطبيعتهم علي خلايا عصبيه وانزيمات هاضمه. 

وعشان كده كان الكهنه بيتخلصوا منهم، 

من خلال فتحه طوليه من الجنب الايسر من الجثه ، ويستخرجوا منها كل حاجة ما عدا القلب!! 

لأنهم كانوا مؤمنين بأن القلب هو مقر الروح والعاطفة وله دور مهم في العالم الآخر. 

_طب ياتري بقا الكهنه بيتصرفوا في الاعضاء اللي بيستخرجوها دي ازي؟! 

الكهنه كانوا بيضعوا الأعضاء دي في اوعيه مليئه بملح النطرون وعلي حد اعقتاهم هتبدا الأعضاء دي تتجمع داخل الجسم مره ثانيه في الحياه الأخرى. 

ودلوقت بعد ما الكهنه بيتخلصوا من محتويات البطن بيقموا بتنظيف التخويف الداخلي للجسم وبيغسلوه كويس عشان نبدا الجزء الثاني من عمليه التحنيط والتي تعتمد تحديدا علي الملح لأن الاملاح عموما لها قدره كبيره علي التجفيف ومنع التحلل ولو استخدمنا ملح النطرون بيكون الموضوع فعال اكتر لأنه بيحتوي علي حمضين قلويين وبكده يعتبر وحش كاسر للبكتريا والانزيمات الهاضمه. 

_ وبعد كده بيقوم الكهنه بحشو تجويف البطن بلفائف من الكتان منقوعه في ملح النطرون، وكمان بينقعوا الجثه بالكامل في كميه مهوله من ملح النطرون حاجه كده اشبه بحمام من الملح وتفضل الجثه منقوعه فيه لمده ٣٥ يوم ،وكل ده بغرض الحفاظ علي الجلد الخارجي للجسم، 

وبعد مرور ٣٥ يوم وبمجرد ما ينزعوا الجثه من ملح النطرون بتكون الاملاح القلويه الموجوده فيه قدرت تمتص كل السؤال الموجوده داخل الجسم ويخرج منها هيكل صلب خالي من السوائل إطلاقا .

وبعد كده بيقوم القائمين علي عمليه التحنيط، بصب كميه كبيره من الشمع والزيوت ويتم تدليكهم علي الجثه بطريقه تشبه المساج!! ايو الموميا وهي بتتحنط بيتعمل لها مساج!!

_وبعد كده بقا يجي دور الخطوه الثالثه وهي الشهيره؛ 

وهي لف الموميا بمجموعة من الاقمشه والكتان وبكده نكون وصلنا ل الشكل النهائي،

وبعدها بيخدوا الموميا ويضعوها داخل مجموعه من التوابيت المتداخلة بيكون التابوت الأخير والذي يحتوي بداخله علي كل التوابيت الاخري عباره عن تابوت ضخم من الحجارة ،

واما التابوت الأول يتم نقش صوره الملك عليه من خلال ألوان معينه. 

_ومن اهم الخطوات اثناء التحنيط هي ارتاء رائيس المحنطين قناع هو قناع انوس" اله التحنيط والعالم السفلي "

وهو قناع علي شكل حيوان أشبه بالكلب ولونه اسود تماما. 

واخيرا وليس بأخر ؛ فرش المقبره وتجهيزها ووضع الاشياء التي سوف يحتاجها الميت في الحياه الاخري .

وبعدها يبدأوا بتأمين المقبره من اللصوص خلال نشر بعض المواد السامه لتخويف اي شخص من اقتحام المقبره. 

-اينعم الجثه المحنطه مش جثه كامله لأننا نزعنا منها المخ وبعض الاعضاء من البطن ولكن ده ميمنعش إن الموضوع مُتقَن ومثير للإعجاب، 

وخصوصاً إن العلماء بدأوا يحصلوا من أجسام بعض المومياات المكتشفه حديتا علي عينات من الحمض النواوي الخاص بها، 

وكمان قدروا يوصلوا من خلال عمليه التشريح إلي معلومات كتير زي اسباب وفاه كل جثه علي حده وكمان قدرنا نتعرف علي معلومات خاصه عن حياه المصريين القدماء وكل اللي قدرنا توصله ده فهو إن دل علي شئ فيهو يدل علي مدي تقدم المصريين القدماء في علم الطب والكمياء...