الفن القبطي

بقلم /نبيلة فكري حسن

طبعا ياجماعة الفن القبطي ده أحد أهم الفنون وقد يكون أهمها يعني زي ما احنا بنقول كده هوا حاجة أخر حلاوة بس للأسف مش حد يعرفه لأن معرفته مقتصرة على كتاب التاريخ وعشاق الفنون إحنا هنا بقى هنتعرف عليه وعن كل تفصيلة تخصة حتى ولو صغيرة.

    - ماهو الفن القبطي :

أحد أهم الفنون على الإطلاق وهوا الذي دونه لنا المسيحيين اما على جدران المعابد أو الكنائس الخاصة بهم طبعا ياجماعة هوا مقتصرش على المعابد أو الكنائس لأ طبعا فهوا قد دون على كل شيء فكانت الزخارف القبطية تملأ الحياة لأنه عندما كانت تجسد به صورة قديس فقدكان بيبرز الفرحة الأبدية التي نالها هذا القديس وهوا المؤثر في جميع الفنون خاصة الفن الإسلامي ودة نتج عن اختلاط العرب بالقبط

- نشأة الفن القبطي :

طبعاً لما نيجي نتكلم عن نشأة الفن القبطي لازم نبقى متأكدين إنه غير مستحدث يعني هوا مش حاجة جديدة بالنسبة لينا فهوا موجود منذ العصر الفرعوني لأنه واكب إنتشار المسيحية وبما ان المسيحية ظهرت في عهد الإمبراطور نيرون يعني عام (٥٤) ميلاديا فظهر وقتها إلا انه لم يدون حينها لأن المسيحية كانت مضطهدة إلا أنه بعد فترة استقرت الأوضاع وأصبحت المسيحية الديانه الرسمية للامبراطورية الرومانية عندها بدءو في التدوين وكان أكثر إنتشار للفن القبطي عند دخول العرب مصر يعني عام (٦٤١) ميلاديا فالفن القبطي هوا نفسه الفن المصري القديم لكن كان الفرق زمن التدوين واختلاف المسمى ف المصري كان بيسجل على الهياكل والمعابد المصرية لكن القبطي كان بيدون على الكنائس والأدييرة الخاصة بالمسيحيين. 

- مميزات الفن القبطي :

طبعا بما إن الفن القبطي زي باقي الفنون بل وكان أفضلها فطبيعي اووي يبقى في حاجة او ميزة خلتة يبقى من أفضل الفنون وطعبا مميزات الفن القبطي كانت إنه بسيط وغير متكلف هتقولوا ازاي هقوللكم أنه مرسل عارفين لما يبقى الخطيب مش مجهز الخطبة اللي هيتكلم عنها ومحضرها فيطلع يشرحها بأسلوبه هوا كان الوضع مع الفن القبطي الراهب اللي كان بيرسم كان مهتم أنه يبدع مش يقلد كان بيرسم كل حاجة حتى إحساسه بس كان بيرسم بطريقة بسيطة تجذبك لرسمه علشان كده كانت البساطة احد اهم مميزات الفن القبطي ده بالإضافة انه كمان تميز برسم القديس أو الشهيد بطريقة جذابة فكانت بيترسم وراسه متحاوطة بهالة اللي هيا زي نظام دائرة من نور وكمان ألوانه كانت بتشع بهجة زى مثلا رسمة القديس فكانوا بيرسموه بألوان وزخرفة تعبر عن الفرح اللي تنعم بيها القديس في حياته وحاجات تانية كتير ميزت الفن القبطي زي إنه كان وسيلة للدفاع عن المعتقدات الدينية زي كثرة رسمهم للصلبان وكمان استخدامهم الزخارف القبطية وإللي كانت متمثلة في الأشكال الهندسية والزهور والنباتات وطبعاً دي كانت مش جديدة خالص لأن هيا كانت معروفة ومستخدمة عند المصريين القدماء وكمان الاشوريين فكانوا بيستخدمو النباتات بشكل جميل فمثلا يعملوا من فروع الشجر أشكال خماسية وسداسية وكمان كانوا بيستخدموا الزهور متعددة البتلات في رسم التاج للسيدة العذراء والمسيح وكان الفنان بيرسم رداء السيدة العذراء من أزهار لها ثماني بتلات وعباد الشمس كل الحاجات دي ميزت الفن القبطي لتجعله من أفضل وأهم الفنون. 

- ازاي تعرفنا على الفن القبطي :

بما ان الفن القبطي حاجة مهمة اووي فكان من الطبيعي انه يسجل أو يدون زي ما تحبوا تقولوا قولو المهم بقى انه سجل على جدران الكنائس والمعابد يعني نفس الطريق اللي كان المصري القديم بيدون بيها فكانوا بيستخدموا ألوان واكاسيد مغطاه بطبقة جبس وانتشرت الطريقة دي بين المسيحين علشان كده استخدموها في تدوين فنونهم وجعلها تحتفظ بجمالها على مر العصور