قصر السكاكيني 

بقلم / نبيلة فكري حسن

قصر السكاكيني من التحف الأثرية والمعمارية اللتي تخطف الأنظار بس منقدرش نقول انه في ناس كتير تعرفه لأنه مأخدش حقه من الشهرة والاهتمام زي باقي التحف الثمينة طيب عارفين لو القصر ده في أماكن بتقدر الفن والجمال كانوا اهتموا بيه وكان هيبقي علي درجة عالية من الشهر وعلي أي حال هنا هنعرف مين صاحب القصر ده مش بس كده احنا هنعرف كمان تفاصيل عنه يعني ب إختصار هنعرض كل حاجه تخص القصر ده .

أولا - من هوا صاحب القصر : 

ينسب قصر السكاكيني الي صاحبه (حبيب باشا السكاكيني) واللي هوا شخص سوري الأصل وجه مصر وهو عنده (١٧) سنه ووقتها كان لسه مبقاش حبيب باشا ولا حاجه كان مجرد عامل أشتغل في حاجات كتير اووي بس الحاجه الوحيدة اللي خلته علي مقربة من الخديوي إسماعيل هو حله لمشكلة الفئران اللي كانت موجودة فى منطقة قناة السويس فقد شحن قطط جائعه إلي مكان الفئران مما جعلهم يتخلصوا تماما من الفئران بعد الخطه بتاعة الفئران دي الناس كلها سمعت عنه وزهلت بزكائة علشان كده الخديوي خلاه مشرف على بناء الأوبرا الخديوية اللي هيحضر فيها اهم الملوك والأمراء من كل أنحاء العالم لافتتاح قناة السويس طبعا الوقت كان ضيق وقرب موعد افتتاح قناة السويس ولسه الأوبرا مخلصتش علشان كده قرر( حبيب باشا السكاكيني) ب التعاون مع المهندس الإيطالي ( بيترو ايفوسكاين) بتطبيق نظام ورديات فقد طبقوا ثلاث ورديات في اليوم كل وحده منهم (٨ ساعات) وبالفعل خلصوا البناء في فترة قصيرة ( ٩٠ يوم ) بعد كده الخديوي إسماعيل خلاه يشرف على كل أبنية الدولة ومنشأتها ولما كان حبيب عمره (٣١ سنه) نال لقب بيك من قبل السلطان عبدالحميد تقديرا لجهود حبيب وأعلاء بشأنه بعد كده حبيب اصبح من المقاولون الأثرياء وقالوا إن هوا جمع ثروته من تجارة السكاكين علشان كده لقب ب حبيبحبيب السكاكيني .

ثانيا - عمر القصر : 

يبلغ قصر السكاكيني من العمر (١١٩ سنه) وده لأن حبيب باشا أمر ببنائه عام ( ١٨٩٧) ميلاديا وناس قالت عام (١٨٩٢)ميلاديا والقصر ده موجود في حي وسط القاهرة يعرف بحي السكاكيني واستغرق بناء القصر خمسة أعوام .

ثالثا - طريقة بناء القصر : 

بني قصر السكاكيني علي طراز إيطالي لكن بتصميم بيزنطي وده لأن حبيب باشا شاف قصر في ايطاليا وأعجب بيه اووي علشان كده قرر يعمل نسخه منه في مصر معهد ببناء القصر الي شركه إيطالية وأختار حبيب باشا لبناء القصر منطقة مزهلة تطل على ثمانية شوارع رئيسية ومساحة الأرض دي هي ( ٢٦٩٨ متر ) طبعا مكنش من السهل الحصول علي مكان زي ده لبناء القصر لكن علاقة حبيب باشا ب الخديوي إسماعيل كانت قوية جدا ف ده سهل له إجراءات البناء .

رابعا - شكل القصر : 

قصر السكاكيني عبارة عن تحفة معمارية وآثرية تخطف الأنظار ف القصر له قبه مخروطية الشكل كما أن له أكثر من ( ٤٠٠) باب وشباك وكمان فيه من الداخل (٣٠٠) تمثال من ضمنهم تمثال نصفي لحبيب باشا وكمان تمثال لفتاة درة التاج وبقايا تمثال علي شكل تمساح طيب ان القصر ده له بدروم خاص للخدم وكمان القصر ده خمس أدوار ويحتوي القصر علي نافورة كبيرة في جنينة القصر صحيح الجنينة مش كبيرة جدا بس هيا فصلت القصر عن كل المباني الجديدة اللي حواليه اللي شوهت منظره كل ويحتوي القصر أيضا على (٥٠ غرفة ) ب الإضافة الي ان القصر كمان في أربع أبراج فوق كل برج كاميرات مراقبة صغيرة كل الاربع أبراج موزعين علي كل جانب من جوانب القصر .

خامسا - حال القصر بعد موت صاحبه :

بعد وفاة حبيب باشا السكاكيني الذي ترك ثروة كبيرة جدا ووزعت ثروته علي ورثته وكان القصر من نصيب واحد من الورثه بيشتغل دكتور ف أتنازل عن القصر للدوله ف أصبحت ملكية القصر تخص وزارة الصحه وجعلوا من القصر ده متحف للتثقيف الصحي عام ( ١٩٦٨) ميلاديا بس مفضلوش كتير في القصر وسابوه بعد فترة فتدهورت أوضاعه وسرقت منه بعض التماثيل وأصبح مهجور وانتشرت شائعات ان القصر مسكون وان انوارة بتنور وتطفي لوحدها كمان قالوا ان هما يسمعوا أصوات غريبة وهما ماشيين جنب القصر وعلي أي حال فقد تم تسجيل القصر كأحد المنشأت العام عام (١٩٨٧ ) ميلاديا .