قصر المانسترلي.

بقلم/أمينه غنيم.

-قليل جداً اللى يعرف إنه موجود بالرغم من إنه تحفه فنيه ومعماريه أثريه، وبجانب جزيرة الروضه التى تحدثنا عنها... تعالوا نعرف إيه حكاية القصر دا. 

أولاً:-إنشاؤه

-أنشأ قصر المانسترلي؛ حسن فؤاد باشا المانسترلي "أصله من مانستر ف مقدونيا"

-بنى القصر عام1851م يعنى من 170سنه، ودخل من ضمن الأثار بعد100سنه من تاريخ بنائه بعد ما استولت الحكومه المصريه على القصر عام1951م، وتحول من قصر لمتحف؛بعد قيام الحكومه المصريه بتجديده وترميمه.

مساحة القصر:-

100متر مربع 

"والحقيقه" كان دا كشك الشاى لسكان القصر؛ وفيه قاعه شكلها مُصمم ع شكل قبه لأنها كانت القاعه الخاصه بسماع الموسيقي، 

والتصميم دا يُغنى عن استخدام ميكرفون، ولو روحت وزورت القصر هتستغرب من عدم وجود ميكرفون وهتلاقي كمان إن الصوت واضح وممتاز جداً.

القصر جماله خيالى؛وهو فعلاً عباره عن قصر ف قلب النيل النيل لوحده.

لك أن تتخيل إن كل دا كان كشك الشاى!!

لكن بالنسبه لباقي القصر كانت مساحته أكبر من كدا بكتير كان فيه السلاملك، والحرملك وإسطبل الخيل، وحجرات للخدم،لكن للأسف أغلب الحاجات دى إتهدت بعد ثورة يوليو،عشان يتعمل مكانها محطة مياه الروضه.

*تكوين القصر:

_يتكون القصر من الداخل من صاله مستطيله مغطاه، بالإضافه لجناح الجهة الغربيه. 

_يضم جناح الجهة الغربيه قاعه للمعيشه وحجرتين للنوم ودورة مياه وحجره أخرى بالجهة الشرقيه. 

_الجهة الغربيه والجنوبيه من القصر تطل ع النيل من خلال بوائك ثلاثيه من الخشب. 

-زُخرفت أسقف البوائك الخشبيه بزخارف هندسيه ونباتيه، وتتوج واجهات القصر رفرف من الخشب ع هيئة الكورنيش المصري مزخرف بزخارف ملونه منفذه ع الخشب.

_يذكر علي باشا مبارك في الخطط التوفيقيه إن المرحوم حسن باشا المانسترلي شيد فى الطرف القبلي بجزيرة الروضه سرايا وكشك على أطلال قصر السلطان نجم الدين (الذى شيد جزيرة الروضه كما ذكرنا سابقاً). 

_كانت تقوم احتفالات ثقافيه و موسيقيه هامه فى ذلك القصر؛ كما يقام به متحف المطربه أم كلثوم الذى يستقبل ضيوف مصر من أنحاء العالم. 

كانت هذه نبذه بسيطه عن قصر المانسترلي العظيم؛