المماليك البحرية

بقلم / نبيلة فكري حسن

السلام عليكم ورحمة الله وبركاته حكايتنا النهاردة عن حاجة جديدة ومن نوعها فريدة حاجة تخطف النظر بتفاصيلها وتأسر القلب باحداثها الا وهيا المماليك البحرية. 

- معنى كلمه مملوك

 : تطلق على العبد الخاضع خضوع تام لسيده واللي بتبقى مهمته حماية سيدة والدفاع عن ممتلكاته والاستماته من أجله في الحروب. 

- ليه سمي المماليك البحرية بهذا الاسم :

سمي المماليك البحرية بهذا الاسم أخذا من المكان اللي عاشوا فيه فقد كانوا يعيشون بجزيرة الروضة في النيل والماء محيط بهم من كل الجهات علشان كده أصبحوا يعرفون باسم المماليك البحرية.

- الظهور الفعلي لهم وانتشارهم : 

بدء الظهور الفعلي لهم واشتراكهم في ساحه الأحداث عندما طلب منهم الصالح نجم الدين أيوب انهم يساعدوه في حربه ضد الحمله الصليبية السابعه اللي كانت بقيادة لويس التاسع وده لأنه نجم الدين كان قد كبر سنه وأصابه الضعف بعض الشيء ولم يعد باستطاعته مباشرة أمور الحرب بنفسهم وبالفعل هما ذهبوا لمساعدته ولكن ديما يا عزيزي ماتجري الرياح بما لا تشتهي السفن فقد مات نجم الدين أيوب في منتصف الحرب الأمر الذي لو انتشرت اخباره لاصابت جيوش المسلمين الضعف والتخلخل ولزادت قوة الصليبيين لذلك اخفت شجر الدر زوجه نجم الدين أيوب خبر وفاته عن جميع الناس وده بمساعدة بعض الناس اللي عندهم ولاء له واتفقت مع المماليك لعقد صلح مع الصليبيين لاستتباب الأمن بعض الشئ لحين رجوع توران شاة وريث نجم الدين وبالفعل ياعزيزي جه توران بس كان شخصية عفنه لأنه أنكر فضل شجر الدر والمماليك اللي عملوه علشان يخلصوا البلاد من خطر الصليبيين مش بس كده لأ ده فكر انه يتخلص منهم قال ايه ان هما عايزين يستبدوا بمقادير الحكم علشان كده فكر يقتلهم لكن المماليك كانوا أسبق بخطوة منه وعرفوا نيته تجاههم ففكروا أن هما يخلصوا عليه قبل ما هوا يخلص عليهم تطبيقا لسياسة تتغدا بيه قبل مايتعشي بينا بس استطاع توران شاة أن يعرف بمكيدتهم وفر هاربا إلى برج في وسط النيل وعلم المماليك بمكانه فذهبوا إليه وأحرقوا البرج وقفز توران في النيل وقالهم سيبوني ارجع الحصن اللي انا كنت والي عليه وهسيبلكم مصر مش هرعج تاني بس قالوا لأ دا احنا لو سيبناك هتتأمر مع الصليبيين ضدنا علشان كده قفز في الماء خلفه بيبرس وقتله وبكده ياعزيزي يبقى مات توران شاة آخر الايوبيين ليترك البلد بدون حاكم لذالك نصبت شجر الدر نفسها كحاكمه للبلاد بس الوضع كان مضطرب لأن السلطان العباسي مكنش راضي عن حكمها وقال لو الرجالة خلصت من عندكم نبعت لكم واحد من عندنا لذلك السبب توجهت شجر الدر بنظرها نحو (ايبك) وتزوجته ظنا منها بأنه ضعيف وهيبقي أمر البلد كله في ايدها بس لأ دا كان قوي جدا لدرجه انه عمل جاهدا على خلع شجر الدر من الحكم وبدء يسيطر على الكثير من المناطق ويخضعها لسلطانه هوا اه ملحوظة عزيزي القارئ ايبك كان متجوز وحده قبل شجر الدر وعنده اولاد ناس قالت إن شجرة الدر امرته يطلق زوجته الأولى وناس قالوا مطلقهاش ماعلينا المهم بقى إن ايبك بدء يسيطر على البلاد وعلشان يزيد من نفوذه قرر يتجوز من بنت حاكم الموصل( بدر الدين لؤلؤ) ولو تمت الزيجة دي كان سلطان ايبك هيزداد بشكل أن محدش يقدر يسيطر عليه بعدها الا ان الغيرة دبت في قلب أحد كبار المماليك ضد ايبك قائلا ده لو تزوج لما استطعنا السيطرة عليه لذلك ارسل اثنان من الرجال لقتل ايبك الا ان هما فشلوا وتم سجنهم طبعا هتقولي امال شجر الدر فين من الكلام ده كله هقولك ياعزيزي أن هيا معرفتش بمخطط ايبك الا بعد ما ذهبت الاتنين اللي كانوا عايزين يتقلوه على أساس أن هيا ناقمة منهم علشان فكروا يقتلوا جوزها بس هما قالوها لم نفعل ذلك إلا غيرة لكي احنا عرفنا انه هيتجوز عليكي قررنا نقتله طبعا شجر الدر سمعت الخبر ده من هنا وقررت قتل ايبك من هنا ازاي يفكر يخونها وبالفعل طلبت من ايبك يجي لقصرها وطبعا لبى ايبك دعوتها على الطعام وأثناء ذهابه للحمام ارسلت له المجموعه اللي هيا متفقة عليه معاهم وقالته وناس تانية قالوا انه مات مسموم على أي حال قد قتل ايبك وندور بعدها على مين يحم البلد مكنش عندنا غير ( المنصور على البدء) ابن ايبك اللي كان صغير السن وكمان كان عندنا المماليك الصالحية اللي معجبهمش ماقامت به شجر الدر من قتل ايبك فاتحدوا مع ابن ايبك وأمه وقرروا الخلاص من شجر الدر بعض المؤرخين قال إنها ماتت رميا بالقباقيب وبعض قال إنها مات عن طريق مؤامرة دبرتها ام المنصور مع بعض الخدم وفي كل احوال قد قتلت شجر الدر وظلت ملقاة أمام القصر ثلاث ايام وتم أخذها لتدفن بعد كده طبعا احنا قولنا أن (المنصور على) علي رأس الدولة وخاضع الوصايا عليه بس الوقت ده حصلت فيه فتن واضطرابات كتيير من المغول والتتار والطفل ده هيعمل ايه علشان كده تم خلعه من الحكم وتعيين (قطز) لما يتمتع به من الذكاء والقوة وعندما تولى قطز ارسل له (هولاكو خان) مجموعه من المغول على أساس يخوف قطز الأمر ده اخرج قطز عن شعوره فقتل الرسل وعلق رؤوسهم على باب زويلة وفضل يحمس الشعب علشان مايبقوش زي بغداد اللي المغول اسقطوها وفكر في تجهيز جيش للقضاء عليهم علشان كده كان عايز يفرض ضرائب على الشعب علشان يجهز منها الجيش لكن الشيخ العز بن عبد السلام قاله انظر في أمر قصرك بمعنى متفرضش ضرائب قبل ما تشوف قصرك علشان الناس متغضبش وبالفعل اتجه قطز للقصر وباع أثمن مقتنياته وممتلكات الحريم على إثر ذلك جهز جيش خرج به للقضاء على المغول والتتار صحيح كانت قواهم كبيرة إلا انه نجح في الخلاص منهم والقضاء عليهم وبعد الخلاص منهم توجه إلى توسيع حدود الدولة عندها ظهر صديقة (بيبرس) وطلب من قطز يعينه على احد الولايات الهامه الا ان قطز رفض علشان عايز يعين بيبرس حاكماً من بعده الا ان بيبرس لم يتفهم ذلك واصبح ناقما على قطز وقتله وعين حاكما بدلاً منه بس كان في ناس مبتحبش بيبرس خصوصاً وأنه شخص مغرور ففكروا يخلصوا عليه ويثوروا على حكمه زي ثورة علم الدين وثورة السودان فضلا عن ثورة برلي في الشام بس هوا كان أقوى منهم فاستطاع إخماد ثوراتهم والنكال بهم وأرسي قواعد الحكم له وابنائه من بعده وظل الوضع في نوع من الإستقرار حتى وفاته اللي عقبها تولى الحكم خلفا عنه أناس ضعفاء حطوا من شأن الدولة.

- تاريخ دولة المماليك البحرية :

شكلت المماليك البحرية واحده من أقوى الدول اللي حكمت مصر بدليل استمرارها لفترة دامت من عام( ١٢٥٠) حتى ١٥١٧ على مصر وشمال أفريقيا وبلاد الشام والشرق الأدنى بس كده دا لسه بدري فقد بدء إرساء قواعد حكمهم بعد موت الصالح نجم الدين أيوب فقد حكمت شجرة الدور اول مملوكية زي ما قال بعض المؤرخين بأن هيا كانت جارية وبذكائها وجمالها استطاعت تجعل السلطان نجم الدين أيوب عاشق لها ويجعلها واصية على العرش بعدها حكم ايبك لفترة من عام ( ١٢٥٠ حتى عام ١٢٥٧) مش بس كده لأ دا حكم ملوك أقوياء زي الظاهر بيبرس اللي وقطز اللي استطاع إخماد هجمات المغول والتتار والقضاء عليهم كل فضلا عن المنصور قلاوون اللي حكم لمدة تقرب نصف قرن من الزمان استطاع خلالها أحداث تطورات إدارية وتأمين وضع البلاد لحد ما وبكده ممكن اننا نطرح سؤال هنا ونقول ( هل كان المماليك أهم أم محمد علي) يؤسفني ياعزيزي اقولك بأن محمد عالي كان خاين لما عمل مذبحة القلعه في المماليك ويقتلهم فكان بدلا من قتلهم يجب عليه تكريمهم لأن دول ناس خلصوا العالم من خطر المغول والتتار ازاي يجازيهم بتقتيلهم علشان كده نقدر بكل ثقة أن نجزم بأن المماليك كانو أهم من محمد علي. 

- التنظيمات العسكرية للمماليك البحرية :

طبعا دولة المماليك البحرية زيهم زي اي دولة ليهم جيش وليهم تنظيمات عسكرية فكانت التنظيمات العسكرية لهم تشمل ( مماليك السلطنة واجناد الحلقة واجناد الأمراء) 

 - أولاً : المماليك السلطانية فقد وصفهم القلقشندي بأن هما أعظم المماليك شأناً وكانت تشمل الآتي 

١ - الخاصكية : 

ودول اللي كانوا بيلازموا السلطان في خلواته ويدخلون عليه في أي وقت دون إذن وتميزوا بزيهم العسكري وركوب الخيل والبراعة في استخدام السيوف وكانوا السلطان بيرسلهم في مهام خاصه له للدول الأجنبية. 

٢ - النوبة : 

النوبة دول بقى ياعزيزي منصب عندهم واللي كان يتولى المنصب ده بتبقى مهمته الأساسية انه يتابع أخبار المماليك ويعرضها على الحاكم نهارا مش بس كده لأ دا كان بيعاقب اللي يقصر من المماليك في أداء واجباته ولا يقوم احد المماليك باتخاذ أمر أو قرار الا بأذنه. 

٣ - حرس السلطان خارج القصر : ودول بقى حاجة مهم جداً لأن بتقع عليهم مسئولية تأمين السلطان في أي مكان وده لأن هما الموكب اللي ملازم للسلطان خارج القصر عارفين زي ايه اللي هما حرس جمهوري بمعنى أصح. 

- ثانيا :أجناد الحلقة : 

محترفين القتال من المماليك ودول اساس جيش الدولة ولا يتغيرون بتغير الحاكم وعلى رأس كل ألف منهم احد الأمراء يبقى مسئول عن معرفة كل كبيرة وصغيرة تخصهم علشان يتم استدعائهم إذا تطلب الأمر وهذا الأمير لاسلطان له عليهم الا في الحروب فقط. 

- ثالثاً : دول بقى بيقبوا زي نظام مرافقين فكل أمير من الأمراء بيبقى له مجموعه ترافقه في حله وترحاله وكان بيتم تغييرهم بمرور الوقت. 

- وأخيراً انحلال دولة المماليك البحرية :

احنا قولنا أن الدولة دي حكمها حكام أقوياء زي الظاهر بيبرس لكن مش دايما بتفضل القوه في عصرها الذهبي عصر القوة والازدهار فقد دب الضعف في اواصل دولة المماليك البحرية بعد فترة حكم المنصور قلاوون وده بسبب كثرة توالي الحكام في فترات صغيرة فضلا عن توليه الحكم لأطفال لا معرفه لهم بأمور الحكم ولا درايه لدرجة ان هما والوا طفل عمره بضعه ايام بس بيبقوا مناصب صورية خاضغه للوصايه وظلوا هكذا حتى جاء (برقوق) مؤسس المماليك البرجية.