"البحيرة المسحورة"

بقلم/مروة نور .

تخيل تبقى رايح رحلة جميلة كده لبحيره معينه ،وفى أثناء وأنت قاعد مستمتع بالمنظر البحيرة الجميل ، تلتفت حواليك لثوانى معدوده وترجع تبص عل البحيرة تلاقى لونها أتغير !!! إية ده ؟ هو انتى مكانش لونك... استنى بس وخليك معانا للأخر علشان تعرف الحكاية.

البحيرة المسحورة:_

البحيرة المسحورة موجوده فى أم الدنيا مصر ، بالتحديد فى مدينة شرم الشيخ فى "محمية رأس محمد"وما أدارك محمية رأس محمد والجمال الموجود فيها،المهم علشان مطولش عليك 

البحيرة المسحورة ليه اسمها المسحورة؟؟ دى بقا حكايتنا ::-

مسحوره لأنها بتخطف أنفاسك !! لأ بجد بتخطف الروح من جمالها ، 

البحيره من أهم المعالم السياحيه بمدينة شرم الشيخ،" ود بيرجع لأنها بتغير لونها 7 مرات فى اليوم" تبقا قاعد كده قدامها تلاقى لونها أتغير من أزرق لأحمرفجأة كده!! وقيس على كده سبع ألوان وبترجع الظاهرة دى لضوء الشمس، والشعاب المرجانية الموجود بيها بألوانها الخلابة منظر هادئ ومريح جدا؛

والبحيرة مش بس منظر جميل وهادى لأ؟ بتقول 

●الأسطورة "أنزل للمياه تخرج وقد تم شفاءك"

والجملة الأسطوريه دى مجاتش من فراغ، لأن البحيرة موجود فيها معادن كتييير جدا والمعادن دى بتستخدم كعلاج للأمراض خاصة الأمراض الروماتزمية والعظام.

•البحيرة لحد سنة1983 كانت بتظهر كأرض عادية جدا على الأقمار الصناعيه، وده بسبب أحتوائها على كمية كبيرة من الرصاص فى وقتها.

● أسطورة تانية بتقول"أسبح هناك وتمنى يحقق الله لك أمالك" يسلام على جمال الأسطورة دى،

البدو زمان كان عندهم إعتقاد بأن اللى بيقوم بالسباحه فى مياه البحيرة ويخرج منها ويقوم برمى بعض من الحجارة ويبدأ يدعى باللى بيتمناه أن "الله" هيحقق له ما يتمناه : ومن هنا البدو أطلقوا عليها أسم 

(بحيرة التمنى)

طبعا البحيرة مقصد لكثير من السياح سواء داخل أو خارج مصر ،ممكن أنك تعمل مخيم لمدة يوم واحد، بتقدر أنك تمارس رياضة الغطس لمشاهدة الأسماك، والشعاب المرجانية، والتزحلق على الماء من شاطئين مختلفين علشان تقدر تشوف الشعب المرجانية بألوانها المختلفة تحت المياه والأسماك الملونه كأنها لوحة بتسبح والسلاحف البحرية اللى تقريبا على وشك الانقراض والأحياء المائية النادرة جدا.

طب الجمال ده كله هدفع كتيير علشان أشوفه؟ أحب أبشرك وقولك لأ تكلفة دخول المحمية كلها ب120جنيه، للسائح المصرى وللسائح الأجنبى 150 جنيه.

المحمية بتبعد عن مطار شرم الشيخ بحوالي 12كيلو متر.

أسيبك تتفرج على الصور وجمال البحيرة.