"الصخرة المعلقة " (لأصحاب القلوب الجريئة )

بقلم:مروة نور.

الصخرة المعلقة أسم على مسمى لأن فعلا هى معلقة ما بين "السما والأرض" جهزوا نفسكوا علشان طالعين طالعه للنرويج نشوف الصخرة المعلقة/ المعجزة.

أين توجد الصخرة المعلقة !؟؟

الصخرة موجوده فى دولة النرويج تحديدا فى مدينة "بريكيستولين" والصخرة متعلقة بين جبلين شديدى الارتفاع ، وبتقع فى مرتفعات جبل كجيراج ،الصخرة بتعتبر من أشهر المعالم الطبيعيه فى النرويج، ومن أكتر المناطق جاذبة للسياح،لأن أرتفاعها أكتر من 1000متر، تقريبا 300 دور، وبيصل حجمها الى 5متر مكعب وده يعتبر حجم صغير جدا زود على كده كمااان إنها شديدة الأنحدار ، يعنى لو شايف قلبك جاامد أتكل على الله وروح،

● الدراسات بتقول أن الصخرة تشكلت فى العصر الجليدي يعنى قبل 10آلاف سنة وفضلت على وضعها كده ولا بتأثر فيها جاذبية ولا عوامل الأزاحه ،ولا حتى الآف الجماهير من الزوار اللى وقفووا عليها.

● الصخرة بتعتبر وجهة سياحية لكتيير من الشباب العاشق للمغامرة ،والقفز بالمظلات، مش بس كده في ناس بيرحوا مخصوص علشان ياخدوا بعض صور التذكارية، ودى طبعا بتعكس مناظر غاية فى الجمال والأبهار لأنك حقيقى بتكون بين السما والأرض وفى أسفلها بتقع المياه والغابات ،المنظر بيكون مرعب ومخيف وفى نفس الوقت جميل وفى غاية الروعة وسط الطبيعه المبهره، يعنى حاجة متتوصفش تتشاف بس.

●أفضل وقت لزيارة الصخرة:

الخبراء أكدوا أن أفضل وقت بيكون بين شهر أبريل وأكتوبر، لأن بقية الشهور بتتساقط الأمطار والثلوج وبتكون الصخره زلقة جدا وشديدة الخطورة.

•المسافة اللى بتحتاجها للوصول لصخرة حوالى 4000متر لكن طرقها خطيرة جدآ ، وبتستغرق من الوقت حوالى من ساعة ل3ساعات علشان توصلها سيرا على الأقدام.

• عدد الزائرين بيوصل ل200ألف زائر فى السنة.

• طب بيتم فرض أى رسووم لزيارة الصخرة أطمن الدخول مجانا ، لكن الحلو مبيكملش لأن اللى بيقوم بتسلق الصخرة بتكون على مسؤوليته الخاصه ، وبيتم إمداد الزائر بالأرشادات الخاصة بالسلامة .

•هل يوجد حالات وفيات من أعلى الصخرة؟

متسجلش غير حالة وفاة واحده كانت عام 2013 لسائح أسبانى وكان بيصحبه مجموعة من الزوار إلا أنه أختفى فجأء من الحافة.

•من مسميات الصخرة

•صخرة "كيراجبولتن"

•صخرة "المنبر"

•الصخرة" المعجزة"